هل توقف المسنجر لديك و يطلب التحديث ؟ الحل هنا بثوان !!

**مرسل:** أكتوبر 11, 2008, 7:14 pm

السلاااااااااااااااام عليكم

هلكني هالمسنجر يخرب بيتو .... قال ما بيفتح الا لحتى يحمل الاصدار الجديد :evil:

و انا ماااااابدي حمل الاصدار الجديد و مو بكيفو ما يفتح

المهم ..... بعد شوية دراسة و تخبيص لقيت الحل :mrgreen:

و ضحكت عليه و خليتو يفتح بدون ما ينزل التحديث ولا شي

و حبيتكم تستفيدو .... الحل كالتالي :

1- انقر باليمين على ايقونة اختصار المسنجر
2- اختر خصائص " properties " و منها "بحث عن هدف " Find Target "
3- ستفتح لكم نافذة مجلد البرنامج .... ابحث عن ايقونة المسنجر " msnmsgr.exe "
4- نقرة يمين على هذه الايقونة و منها خصائص "properties "
5- اختر بوابة التوافق " Compatibility "
6- فيها ستجد نمط التوافق أو نوعه " Compatibility mode "
7- ضع اشارة صح ليتم تفعيله و اختر من القائمة المنسدلة وندوز 2000 " Windows 2000 "
8- اضغط على موافق و قم بإعادة تشغيل المسنجر و قم بتسجيل الدخول
9- احضر كاسة شاي و تمتع بالمسنجر بدون تحديث بالإضافة الى الشاي :mrgreen:

بتمنى كون أفدتكم :roll:

**مرسل:** أكتوبر 11, 2008, 7:20 pm

على عيني أبو الفوارس

تم الحفظ

لأن ماعم تطلعلي هي التحديثات والحمد لله :wink:

**مرسل:** أكتوبر 11, 2008, 7:23 pm

فارس,
الله يسلم ايديك على الشرح الرائع...
انا لسا ماطلب التحديث بس احتمال باي لحظة يصير بدو...
أكيد رح ارجع لنصائحك..
عجبتني كتيييير النصيحة ال9...
جميلة جدا.. :mrgreen:

**مرسل:** أكتوبر 11, 2008, 7:32 pm

عمار, MÖØÒÕNL!GHT,
ازا من هون ليومين تلاتة ما طلب منكم تحديث اجباري .... معناها انتو بالأساس منزلين إصدار معتمد .... يعني المفترض انو ما يكون مكتوب جنب عنوان نافذة البرنامج مثلا "Beta" ولا تكون موجودة هي الكلمة بأي مكان .... هيك ما بكون بدو تحديث

أما اللي منزلين الاصدار التجريبي لأحد النسخ ... و هاد المنتشر أكتر .... كلهم رح يصير معهم هالشي و انا صار قايلي شي خمس أشخاص على هالمشكلة خلال 16 ساعة الى حد الآن :mrgreen:

و عموما في كتير بدائل لبرنامج المسنجر ... أقل مثال ممكن قولو هو المسنجر الأساسي تبعوت النظام ... او البرنامج اللي اسمو MSN Messenger هاد غير الوندوز لايف مسنجر

يعني بكل الأحوال انا هاد برتاح عليه أكتر شي و ع فكرة النسخة الجديد كتير حلوة و فيها كم ميزة ظراف *sla

**مرسل:** أكتوبر 11, 2008, 7:34 pm

فارس,

هههههه لك هلأ عطل معي المسنجر جمد :mrgreen:

هلأأأأأ لنجرب .......تجربتك يا ابو الافكار *sla

**مرسل:** أكتوبر 11, 2008, 7:37 pm

صحي متل ما بقولو الحاجة ام الاختراع

انا هالمشكلة كتير بتعذبني لما بنزلوا اصدار جديد وانا ما بدي حمله

شكرا ابو الفوارس *ورود

**مرسل:** أكتوبر 11, 2008, 7:39 pm

فارس,
يازلمة تقول معيرها............هلق طلب مني التحديث
بس في مشكلة صغيرة أبو الفوارس
أنا النظام عندي Vista وما في بالخيارات هاد النظام
بقا شو الحل...........لحقني
مشكوووووووووووور

**مرسل:** أكتوبر 11, 2008, 10:01 pm

ما شا الله عليك شو نبيه.. :mrgreen:

كأنك يا زيد ما غزيت..

ما ظبط

**مرسل:** أكتوبر 11, 2008, 10:07 pm

اقتباس:

نافذة البرنامج مثلا "Beta"

يخربيتو شو بيسود الوجه امبارح بالليل الساعة 2 طلب التحديث وكتير غليظ التحديث ما اتحمل بدو معالملة لنشوف إذا بيمشي الحال وإلا بدي ارجع على واحد بدا تجبلياه عبير ما حبيتو هادا *ممم

على كل يسلمن فارس

**مرسل:** أكتوبر 11, 2008, 11:30 pm

أنا ما ح يطلب لأنو إصداري معتمد بالمية مية

بعدين حتى لو مو معتمد ما بيسترجي يطلب من بثينة أي تحديث :mrgreen:

فارس, مشكور *hh

أهلاً و سهلاً بك في موقع آرتين (^_^)
أهلاً و سهلاً بك زائرنا الكريم , إذا أردت المشاركة في المنتدى , فيشرفنا أن تقوم بالتسجيل من هنا لتصبح عضواً معنا . و إذا أردت التصفح فقط , فيمكنك قراءة ما ترغب من المواضيع في الأقسام أدناه آملين لك الفائدة و التوفيق .

اخر المشاركات

هل توقف المسنجر لديك و يطلب التحديث ؟ الحل هنا بثوان !!