طلب للزملاء في القسم

**مرسل:** سبتمبر 30, 2008, 11:21 pm

السلام عليكم
الى من يهمه الامر ويطمح للاجر :
انا طالبة في السنة الرابعة مستجدة ، لا اعرف من اين سابدأ السنة لجديدة
مع العلم انني يجب ان أتخرج ه>ه السنة بحول الله وقوته
فنرجو ممن لديه أية نصيحة لتخطي ه>ا الامر لا يقصر وله الاجر والثواب ان شاء الله
مع العلم بأنني لا أ>هب الى الكلية إلا في أوقات الامتحانات
بحكم السفر المتواصل مع الاهل
فجزاكم الله خيرا

**مرسل:** سبتمبر 30, 2008, 11:39 pm

one piec,
أول شي صلي على النبي وطولي بالك وإنشالله موفقة
هلئ من خلال خبرتي كطالبة متخرجة الدوام خصوصي بقسم اللغة الفرنسية إلو دور كبير بس غذا ما بتئدري لازم تسجلي بالمركز الثقافي الفرنسي للبلد الموجودة فيه (نصيحة أخوية )مشان تبئي على احتكاك كبير باللغة وما تنسيها
تاني شي (السنة الرابعة معتمدة على الحفظ بشكل كبير كتير بئا لاتخافي عليكي إنو مع بدء العام الدراسي تأمني محاضراتك يلي بتتعلق بالمواد الحفظية طبعا كمان بحاجة للفهم بس حفظ أكتر )
مواد الفصل الأول:ا-الأدب مقارن (بماإنك ما بتحضري معناتو ما بتعملي حلقة بحث بئا مانك تضطري غير تحفظي كلشي بالماضرات وهني للدكتورة زبيدة القاضي (واسلوبا واضح )أما إذا حابي تعملي حلقة بحث فيها شغل كتير وحلو وممتع :wink:

2-حضارة وفكر (معتمدة على حضارة الفرنسية بالقرن التاسع عشر ومطلع القرن العشرين بالإضافة لبعض الفلاسفة )كمان حفظ
3-الترجمة 7 هي بتتعتمد على قدراتك الذاتية وتعرفي وطبعا الدكتور اسلوبو والنصوص يلي بحب يتبعا (المهم تتعبي على حالك بالشغل على الترجمة اد ما بتئدري )
4-الرواية وهي متل النثر عبارة عن روايتين لبلزاك ولستاندال المادة على دورنا كانت للدكتورة سونيا بعدين انقسمت لدكتورين بس بتذكر انها معتمدة على المواضيع وحفظ الشواهد من الرواية وأهم شي الفهم الجيد للسؤال :wink:

يعني بتبلشي تقراي الروايات مرة وتنتين وتلاتة (الاب غوريو -الأحمر والأسود)وتتستوعبين منيح وتطلعي على نماذج الدورات وتنتبهي على القواعد السليمة تبعتك
5-الللسانيات العامة 3 هي بتعتمد على الحضور :wink:

لأنو فيها كتير حل وتحليل جمل وشجرات للدكتور جوزيف بئا الحضور ضروري فيها واذا اقدرتي تفهمي المحاضرات بدون حضور ممتاز بس الحضور افضل بس بتعتمد اعتماد كبير على كونو اساسك قوي بالقواعد وتحليل اللجملة والكلمة يعني متل مدخل اللسانيات تبعت السنة التانية والتالتة بس لئيتا انا اسهل منن :wink:

المهم هلئ لازم تبئي متابعة بمجال اللغة مشان لما تمسكي ورقة الامتحان ما تحس حالك عم تشوفي شي غريب والحفظ بالدرجة الأولى وموفقة يارب وأي مساعدة جاهزين *ورود

طبعا هاي كانت مواد الفصل الأول

**مرسل:** سبتمبر 30, 2008, 11:46 pm

one piec,
أهلا و سهلا فيكي *ورود

السنة الرابعة تعتبر متل الشهادة بما إنها سنة تخرج..و منهكل همها متل لما هكلنا هم الباكالوريا..بس دائما بكون الهم أ:بر من الشي نفسو..من شان هيك:

و لا يهمك..أول شي لازم تكوني متفاءلي إنك رح تقدري تدرسي و تجيبي علامات عالية... :wink:

(دعم نفسي) :wink:

تاني شي لازم تلاقي حدا من رفقاتك بيحضر كل المحاضرات أو تلت أرباعها على الأقل..و تقلك مين الدكاترة و كل دكتور شو بدو من المنهاج..
تالت شي لازم تجيبي المحاضرات من المكتبة يلي بتوثقي انها تكتب متل ما بيعطي الدكتور بالمحاضرة أثناء الإعطاء..و هالشي بتتأكدي
منو من رفيقتك :wink:

رابع شي لازم تتابعي بدراسة كل محاضرة بمحاضرتها..و ما تخلي شي مانك فهمانتيه إلا و تسألي عنو..إن كان بالمنتدى أو أي حدا تاني بيعرف يجاوبك...(متل إنك تبعتي السؤال مع رفيقتك للدكتور)...
خامس شي وقت بتجي فترة القطع للإمتحان لازم تعيدي كل شي قريتيه قبل يلي ما لحقتيه(إذا لا سمح الله ما لحقتي شي شغلة)...
آخر شي وقت بيجي الامتحان رح تلاقي حالك واثقة من دراستك..و رح يسهل علكي إعادة كل شي...
بس أهم شي تكوني واثقة إنك بتقدري تدرسي و تجيبي علامات منيحة...
:wink:

بالتوفيق إن شاء الله *ورود

**مرسل:** سبتمبر 30, 2008, 11:48 pm

widad
شكرا كتير على ردك وتواصلك وجزاك الله خيرا
بالنسبة للمواد الحمد لله عندي اطلاع عليهم بس المشكلة مو هون المشكلة تكمن باني مجيدة للغة الفرنسية شفهيا ولكنني بالكتابة نوعا ما 50 بالمية وهاد الشي اللي مخوفني فارجو النصح في هدا المجال

**مرسل:** سبتمبر 30, 2008, 11:49 pm

Widad,
كنا عم نكتب سوا.. :wink:

يعطيكي العافية...
على كل حال انا حبيت ساعدها بشوية نصائح لكل الأقسام..إن كان فرنسي أو انكليزي أو أي شي تاني :wink:

**مرسل:** سبتمبر 30, 2008, 11:58 pm

Tami,

هيك الظاهر يلا كلو واحد يسلم إيديكي يارب *ورود

[b]one piec,
لقلك شغلي بما إنو بالشفهي تمام كتير منيح اما تالكتابي بتوقع لانو ما بتكتبي ورا الدكتور بس عادة الطلاب مشاكلن بالشفهي بئا بما إنو شغلة الكتابة سهلة وبتنحل ممكن من خلال الحفظ كتابة ومنو بتتدربي على الإملاء أما إذا كانت شغلة قواعد أنا برأيي الدورات بالمركز الثقافي الفرنسي طبعا اذا متاحة لأنو بتتعملي مو بس الشفهي الكتابي كمان والكتابي مو مشكلة كبيرة بتتجازوزيها بسهولة أقل شغلة إنك مثلا تمسكي ورقة وقلم وتكتبي أي شغلي بتخطر ببالك مهما كانت وتحاولي مرة عن مرة وهيك بتلائي حالك عم تتجاوزي هالصعوبات طبعا برد بكرر حاولي تحفظي كتابة :wink:

[/b]

**مرسل:** أكتوبر 1, 2008, 12:08 am

widad
بشكرك كتير على تواصلك وابداء النصائح عنجد شكرا
انت متخرجة حسب ما قلتي
برأيك المواد النظرية كم بدها وقت لتخلص مع العلم ان الاستيعاب جيد نوعا ما بالنسبة للحفظ
اما العملية بدها متابعة وانا ما بقدر تابع هالموضوع فكيف بدي اتجاوز هالمشكلة
مثلا اللسانيات العامة

**مرسل:** أكتوبر 1, 2008, 12:53 am

اقتباس:

مثلا اللسانيات العامة

اللسانيات العامة بالفصل الاول ما بدها حفظ وانما فهم
والله الحفظ بدو وقت يعني بدك تفرغي حالك تماما وانشالله خير وموفقة يارب *ورود

اخر المشاركات

قوانين المنتدى

طلب للزملاء في القسم

أهلاً و سهلاً بك في موقع آرتين (^_^)
أهلاً و سهلاً بك زائرنا الكريم , إذا أردت المشاركة في المنتدى , فيشرفنا أن تقوم بالتسجيل من هنا لتصبح عضواً معنا . و إذا أردت التصفح فقط , فيمكنك قراءة ما ترغب من المواضيع في الأقسام أدناه آملين لك الفائدة و التوفيق .